جینڈر ٹیسٹ تنازع: فرانسیسی خواتین باکسرز ورلڈچیمپئن شپ سے باہر

جینڈر ٹیسٹ تنازع پر تمام فرانسیسی خواتین باکسرز ورلڈچیمپئن شپ سے باہر ہو گئیں۔
بین الاقوامی میڈیا رپورٹس کے مطابق ورلڈ باکسنگ نے خواتین کھلاڑیوں کےلیے لازمی جینیاتی ٹیسٹ متعارف کرایا جس پر فرانس نے عملدرآمد کرنے سے انکار کیا۔
فرانسیسی باکسنگ فیڈریشن کے مطابق فرانسیسی قانون جینیاتی ٹیسٹ کی اجازت نہیں دیتا اور جینڈر ٹیسٹ کے تقاضے مقامی قانون سے متصادم ہیں۔
فرانسیسی باکسرز کے اخراج سے افتتاحی ورلڈ باکسنگ چیمپئن شپ میں کوئی شریک نہیں ہو گا۔
ورلڈ باکسنگ کا مؤقف ہے کہ تمام فیڈریشنز کو 21 اگست کو پالیسی سے آگاہ کر دیا گیا تھا۔ ورلڈ باکسنگ کے مطابق یکم ستمبر کے بعد ٹیسٹ کھلاڑیوں کی شمولیت کو خطرے میں ڈال سکتے تھے۔
ورلڈ باکسنگ نے برطانیہ میں کئی لیبارٹریز کے ذریعے ٹیسٹنگ کی سہولت فراہم کی۔ ورلڈ باکسنگ نے مئی میں 18سال سے زائد خواتین کھلاڑیوں کیلئے لازمی جینیاتی ٹیسٹ کا اعلان کیا تھا۔
جینڈر تصدیق پر کھیلوں میں بحث دوبارہ شروع ہو گئی ہے۔
الجزائری باکسر ایمان خلیف نے جینیاتی ٹیسٹ پالیسی کے خلاف اپیل دائر کر دی ہے۔ اسپورٹس کی اعلیٰ عدالت نے ایمان خلیف کی حکم امتناع کی درخواست مسترد کر دی۔ ایمان خلیف پہلے بھی 2023 ورلڈ چیمپئن شپ سے ڈس کوالیفائی ہو چکی ہیں۔