اگر حارث نے ایسے ہی کھیلنا ہے تو رضوان کو جان بوجھ کر باہر رکھا ہے

پاکستان کے سابق فاسٹ بولر تنویر احمد نے محمد حارث کی خراب فارم پر انہیں آڑے ہاتھوں لے لیا۔
سماجی رابطے کی ویب سائٹ ’ایکس‘ پر سابق بولر تنویر احمد لکھا کہ ’اگر محمد حارث نے ایسے ہی کھیلنا تھا تو محمد رضوان کو کیا جان بوجھ کر ٹیم سے باہر کیا گیا ہے۔‘
حارث نے اپنی آخری 9 ٹی 20 اننگز میں صرف 38 رنز بناسکے ہیں۔
انہوں نے جولائی میں بنگلادیش کے خلاف 0، 4 اور 5 رنز بنائے ہیں، اس کے بعد اگست میں ویسٹ انڈیز کے خلاف تین میچوں کی سیریز میں 6، 4 اور 2 رنز شامل ہیں۔

سہ فریقی سیریز میں محمد حارث نے یو اے ای اور افغانستان کے خلاف 15، 1 اور 1 رنز اسکور کیے ہیں۔
پاکستان کو سہ فریقی سیریز کے چوتھے میچ میں افغانستان کے خلاف 18 رنز سے شکست ہوئی، افغانستان نے 169 رنز بنائے اور 170 رنز کے تعاقب میں پاکستان کی ٹیم 9 وکٹوں کے نقصان پر 151 رنز بناسکی۔
پاکستان کی جانب سے فاسٹ بولر حارث رؤف 16 گیندوں پر 34 رنز بنا کر ٹاپ اسکورر رہے۔ افغانستان کے فضل الحق فاروقی، راشد خان، نور احمد اور محمد نبی نے دو، دو وکٹیں حاصل کیں