محکمہ موسمیات نے دن بھر بارش ہونے کی پیشگوئی کر رکھی ہے، کراچی طارق روڈ، عزیز آباد، شارع قائدین، بوٹ بیسن، لیاقت اباد، ناظم آباد، حسن اسکوائر اور فیڈرل بی ایریا میں بارش ہوئی۔
محکمہ موسمیات نے کراچی میں 3 سے 4 دنوں میں تیز بارشوں کا امکان ظاہر کیا ہے، محکمہ موسمیات نے کراچی میں گرج چمک کے ساتھ بارش کی پیش گوئی کی ہے، آج دن بھر وقفے وقفے سے بارش کا سلسلہ جاری رہنے کا امکان ہے جبکہ شہر میں کل بھی موسلا دھار بارش ہونے کی توقع ہے۔
محکمہ موسمیات کے مطابق 23 اگست تک جاری رہنے والے سسٹم کے دوران شہر بھر میں 2 سے 3 اسپیل آ سکتے ہیں۔
