سپریم کورٹ میں ججوں کی تعداد میں اضافے کا بل آئندہ ہفتے ایوان میں پیش کیے جانے کا امکان ہے۔
تفصیلات کے مطابق سپریم کورٹ میں ججوں کی تعداد میں اضافے کے بل پر حکومت اور اس کے اتحادیوں کے درمیان اتفاق نہیں ہوسکا۔
جس کے بعد حکومت نے سپریم کورٹ کے ججوں کی تعداد میں اضافے سے متعلق قانون سازی موخر کرنے کا فیصلہ کیا ، اب مجوزہ بل آج قومی اسمبلی کے اجلاس میں پیش نہیں کیا جائے گا۔
ذرائع کا کہنا ہے اتفاق رائے کے بعد آئندہ ہفتے بل ایوان میں پیش کیے جانے کا امکان ہے۔
ذرائع نے بتایا تھا کہ سپریم کورٹ میں ججز کی تعداد بڑھا کر 23 کی جائے گی، چیف جسٹس سمیت 23 ججز پر مشتمل ہوگی۔
اس سلسلے میں پریکٹس اینڈ پروسیجر ایکٹ میں بھی ترمیم پر بھی مشاورت جاری ہے۔
یاد رہے رواں سال ستمبر میں صدر مملکت آصف زرداری پریکٹس اینڈ پروسیجر ترمیمی آرڈیننس پر دستخط کر دیے ہیں جس کے بعد اب یہ قانون بن گیا ہے۔
اس سے قبل وفاقی کابینہ نے سرکولیشن سمری کے ذریعے آرڈیننس کی منظوری دی تھی۔
ججوں کی تعداد میں اضافے کا بل آئندہ ہفتے ایوان میں پیش کیے جانے کا امکان
