وزیر خزانہ محمد اورنگزیب نے چین سے کرنسی سویپ معاہدے کی حد بڑھا کر 40 ارب یوآن کرنے کی درخواست کرتے ہوئے چینی مارکیٹ میں پہلا پانڈا بانڈ جاری کرنے کی خواہش کا اظہار کردیا۔
تفصیلات کے مطابق وزیر خزانہ و محصولات سینیٹر محمد اورنگزیب کی چین کے نائب وزیر خزانہ لیاؤ من سے واشنگٹن میں اہم ملاقات ہوئی۔
ملاقات میں پاکستان اور چین کے درمیان دو طرفہ دوستی کو مزید بڑھانے کے عزم کا اظہار کیا گیا۔
وزیر خزانہ نے پاکستان کی سماجی و اقتصادی ترقی میں چین کی حمایت پر اظہارِ تشکر کرتے ہوئے کہا پاکستان چینی معاشی اصلاحات سے سیکھنے کے لیے پرعزم ہے۔
وزیر خزانہ نے پاکستان میں الیکٹرک گاڑیاں متعارف کرانے کے BYD کے فیصلے کا خیرمقدم کیا۔
وفاقی وزیر نے بتایا کہ حکومت کا چینی مارکیٹ میں پہلا پانڈا بانڈ جاری کرنے کا ارادہ ہے ، جس کے مالی وسائل کو متنوع بنانے کی کوشش کی جاری ہے۔
وزیر خزانہ نے چینی کارکنوں کو فول پروف سیکیورٹی فراہم کرنے کا عزم ظاہر کیا، جس پر چینی کمپنیوں نے پاکستان میں سرمایہ کاری اور روزگار کے مواقع میں اضافے کی خواہش کا اظہار کیا۔
پاکستان نے چین سے کرنسی سویپ معاہدے کی حد بڑھا کر 40 ارب یوآن کرنے کی درخواست کی اور کہا دونوں ممالک کے ادائیگیوں کے نظام کو مربوط بنانے کی ضرورت پر زور دیا ۔
.چینی مارکیٹ میں پہلا پانڈا بانڈ جاری
