مختلف ایئر لائنز کی آپریشنل وجوہات کی بناء پر آج فیصل آباد اور پشاور سے 3 غیرملکی پروازیں منسوخ کر دی گئیں جبکہ مختلف ایئر پورٹس سے 20 ملکی اور غیر ملکی پروازیں تاخیر کا شکار ہیں ۔
فلائٹ شیڈول کے مطابق دبئی سے فیصل آباد کی پی آئی اے کی پرواز پی کے 224 منسوخ کر دی گئی ہے۔
پشاور سے دبئی کی پی آئی اے کی پرواز پی کے 283 اور شارجہ سے پشاور کی پرواز پی کے 258 منسوخ کر دی گئیں۔
لاہور سے باکو کی پرواز جی 25047 اور 25048 کی آمد اور روانگی میں 3 گھنٹے تاخیر ہوئی ہے جبکہ لاہور سے ریاض کی پی آئی اے کی پرواز پی کے 725 پانچ گھنٹے تاخیر سے روانہ ہوئی ہے۔
کراچی لاہور کے درمیان پی کے 305 ڈھائی گھنٹے کی تاخیر سے اب شام ساڑھے 7 بجے جائے گی۔
کراچی سے جدہ کی پرواز پی ایف 714 میں 2 گھنٹے، کراچی سے جدہ ای آر 811 اور کراچی سے مدینہ کی پرواز پی کے 743 کی روانگی میں 1 گھنٹے کی تاخیر ہوئی ہے۔
کراچی سے استنبول کی پروازیں ٹی کے 708 اور 709 دو گھنٹے تاخیر کا شکار ہوئیں۔
کراچی سے ملتان کی پرواز پی کے 330 اور 331 میں ڈیڑھ گھنٹے کی تاخیر کی گئی ہے، یہ پروازیں رات ساڑھے 9 بجے کراچی سے روانہ ہوں گی۔
