ایرانی پارلیمان کے اسپیکر باقر قالیباف نے امریکی حملوں پر شدید ردعمل دیتے ہوئے دعویٰ کیا ہے کہ میناب کے اسکول اور لامِرد کے اسپورٹس ہال کے بعد شادی کی تقریب بھی حملے کی زد میں آئی، جس میں بچوں اور خواتین کی ہلاکتیں ہوئیں۔
ایرانی ریڈ کریسنٹ کی جانب سے جاری ویڈیو میں جنوبی شہر کوہستک میں ایک گھر کو دکھایا گیا ہے، جہاں مبینہ طور پر شادی کی تقریب جاری تھی اور امریکی فضائی حملے کے بعد گھر تباہ ہوگیا۔ ایرانی حکام نے حملے کی شدید مذمت کی ہے۔
ایرانی میڈیا کے مطابق تازہ امریکی حملوں میں کرمانشاہ اور لاوان جزیرے میں پاسدارانِ انقلاب اور بسیج کے 7 اہلکار بھی ہلاک ہوئے، جبکہ ایران میں گزشتہ رات کے حملوں سے ہلاکتوں کی مجموعی تعداد 12 تک پہنچ گئی ہے۔
