لاہور سے جدہ جانیوالی نجی ایئر لائن کی پرواز 3 دن سے تاخیر کا شکار

لاہور(10 ستمبر 2025): لاہور سے جدہ جانیوالی نجی ایئر لائن کی پرواز 3 دن سے تاخیر کا شکار ہے جس کے باعث مسافر رُل گئے ہیں۔
تفصیلات کے مطابق نجی ایئر لائن کے مسافر 3 دن سے کراچی ایئرپورٹ پر پھنسے ہوئے ہیں، مسافروں نے کراچی ائیرپورٹ پر احتجاج کیا اور ان کا مطالبہ ہے کہ انہیں فوری متبادل طیارہ فراہم کیا جائے۔
ذرائع کا کہنا ہے کہ متاثرہ مسافروں میں بڑی تعداد میں احرام میں ملبوس عمرہ زائرین بھی شامل ہیں جبکہ کئی مسافروں کے ورک پرمٹ ختم ہونے کے قریب ہیں۔
ذرائع کے مطابق  نجی ایئرلائن کا پہلا طیارہ فنی خرابی کے باعث کراچی میں اتار لیا گیا تھا، دوسرا طیارہ کراچی سے اڑان کے فوراً بعد پرندے سے ٹکرا یا، گراؤنڈ کر دیا گیا۔
ذرائع کا کہنا ہے کہ مختصر فضائی بیڑے کے باعث نجی ایئر لائن کے پاس متبادل طیارہ موجود نہیں، نجی ایئرلائن انتظامیہ نے یقین دہانی کرائی ہے کہ طیارہ دستیاب ہوتے ہی پرواز جدہ روانہ کی جائیگی۔