لاہور: لاہور ایئرپورٹ پر کسٹمز نے سمگلنگ کے شبے میں ایک شخص جاوید اقبال کو گرفتار کیا۔ ابتدائی اطلاعات کے مطابق، ملزم دبئی سے سونا اور ہیرے سمگل کر لایا تھا اور انہیں چاندی کے ساتھ ملا کر چھپایا گیا تاکہ وزن کا فرق نظر نہ آئے۔
حکام کے مطابق، کل چار پیس سامان برآمد ہوئے، اور ہر پیس میں تقریباً 4 کلو سونا اور ہیرے شامل تھے۔ چاندی کے اندر سونا چھپایا گیا تھا جبکہ ہیرے الگ رکھے گئے تھے۔ چاندی برآمد کر کے تین پیس I&NP کو حوالے کیے گئے جبکہ ایک پیس ایئرپورٹ اسٹور میں رکھا گیا تاکہ چاندی کے اندر سونے اور ہیرے کی موجودگی کی تصدیق کی جا سکے۔
اہم انکشافات: شیفٹ انچارج عبدالرؤف سپرنٹنڈنٹ کو اطلاع ملی کہ ملزم دبئی سے یہ سامان سمگل کر رہا ہے۔ ملزم نے ابتدائی طور پر بتایا کہ وہ لاہور میں کچھ افراد کو یہ سامان فروخت کرنے کی نیت رکھتا تھا اور جلد ہی ان افراد کے نام بھی ظاہر کرے گا، جنہیں اس نے سمگلنگ کے ذریعے سامان بیچنے کے لیے منتخب کیا تھا۔
