پاکستانی ریپر طلحہ انجم حالیہ کنسرٹ کے دوران پیش آنے والے ایک ناخوشگوار واقعے کے باعث خبروں کی زینت بن گئے ہیں۔ ویڈیو میں دیکھا جا سکتا ہے کہ طلحہ انجم اور ان کے ساتھ موجود ایک اور شخص ایک آدمی کو بالوں سے پکڑ کر اسٹیج کی جانب گھسیٹتے ہیں، جس کے بعد سیکیورٹی اہلکار اسے بیک اسٹیج لے جاتے ہیں۔ یہ شخص وہی تھا جس نے مبینہ طور پر طلحہ انجم کی جانب بوتل پھینکی تھی۔ اس واقعے نے سوشل میڈیا پر مختلف آرا کو جنم دیا ہے جبکہ ویڈیو سوشل میڈیا صارفین کی توجہ کا مرکز بنی ہوئی ہے۔