حیدرآباد کے علاقے قاسم آباد میں مبینہ طور پر شادی کی تقریب میں کسٹرڈ کھانے سے 107 افراد فوڈ پوائزنگ کا شکار ہوگئے۔ اسپتال حکام نے بتایا ہے کہ متاثرہ افراد میں کم عمر بچے، نوجوان اور بڑی عمر کے افراد شامل ہیں۔ متاثرہ افراد کی حالت اب خطرے سے باہر ہے،
تاہم انہیں نگرانی میں رکھا گیا ہے۔ متاثرہ نوجوان کے مطابق شادی کی تقریب میں کسٹرڈ کھانے کے بعد الٹی اور پیٹ میں درد کی شکایت ہوئی۔ ڈپٹی کمشنر زین العابدین میمن کے مطابق ابتدائی رپورٹ میں فوڈ پوائزننگ کی وجہ کسٹرڈ کو قرار دیا جا رہا ہے۔ انتظامیہ نے متعلقہ پکوان سینٹر کی جانچ کے لیے سندھ فوڈ اتھارٹی کو ہدایات جاری کر دی ہیں۔
