حکومت نے مختلف قومی بچت اسکیموں کی شرح منافع میں اضافے کا اعلان کر دیا ہے، جس کا اطلاق 10 جون 2026 سے ہوگا۔ اس حوالے سے باقاعدہ نوٹیفکیشن بھی جاری کر دیا گیا ہے۔
نوٹیفکیشن کے مطابق اسپیشل سیونگ سرٹیفکیٹ اکاؤنٹ کی شرح منافع میں اضافہ کیا گیا ہے۔ نئی شرح کے تحت ایک لاکھ روپے کے سرٹیفکیٹ پر پہلی ششماہی کے دوران 6 ہزار 200 روپے منافع حاصل ہوگا، جبکہ دوسری ششماہی میں یہ رقم بڑھ کر 6 ہزار 800 روپے ہو جائے گی۔
اسی طرح اسپیشل سیونگ سرٹیفکیٹ کی سالانہ شرح منافع 12.4 فیصد سے بڑھا کر 13.6 فیصد مقرر کر دی گئی ہے، جس سے قومی بچت اسکیموں میں سرمایہ کاری کرنے والے افراد کو زیادہ منافع حاصل ہوگا۔
