ضلع خیبر میں مقابلہ، خودکش دھماکے کے ماسٹر مائنڈ 3 دہشت گرد ہلاک

ترجمان سی ٹی ڈی کے مطابق دہشت گرد کمانڈر فضل نور ساتھیوں سمیت فرار ہوگیا جس کی تلاش میں چھاپے مارے جارہے ہیں۔
سی ٹی ڈی کا کہنا ہے کہ علاقہ لالہ چینہ دو سار میں دہشت گردوں کی موجودگی پر کارروائی کی گئی، تعلق کرک اور ننگر ہار افغانستان سے تھا۔
ترجمان سی ٹی دی کے مطابق دہشت گردوں کی شناخت محمد نعیم عرف عبدالناصر، محمد کریم اور نور نبی سے ہوئی ہے۔
سی ٹی ڈی کا کہنا ہے کہ ہلاک دہشت گردوں سے تین ایس ایم جیز، 12 میگزین ودیگر اسلحہ برآمد ہوا ہے۔
سی ٹی ڈی حکام کے مطابق دہشت گرد کسی بڑی کارروائی کی منصوبہ بندی کر رہے تھے جسے بروقت ایکشن لے کر ناکام بنا دیا گیا۔
مزید بتایا گیا کہ علاقے میں بھاری نفری کی موجودگی میں سرچ آپریشن جاری ہے اور فرار ملزمان کی گرفتاری کے لیے گھیراؤ مزید سخت کر دیا گیا