پاکستان ٹیم کے اوپنر صاحبزادہ فرحان نے ٹی 20 کرکٹ میں ایک اور اعزاز حاصل کرلیا۔
ٹی 20 ایشیا کپ کے سپر فور مرحلے میں صاحبزادہ فرحان 15 گیندوں پر 24 رنز بنا کر آؤٹ ہوئے لیکن اس سے پہلے ہی وہ کیلنڈر ایئر میں 1500 رنز مکمل کرچکے تھے۔
صاحبزادہ فرحان نے رواں سال 35 اننگز میں اپنے 1500 رنز مکمل کیے ہیں اور وہ چوتھے پاکستانی کھلاڑی بن گئے ہیں۔
بابر اعظم نے سال 2019، 2021 اور 2024 میں یہ کارنامہ انجام دیا تھا۔
وکٹ کیپر بیٹر محمد رضوان بھی دو مرتبہ 2021 اور 2022 میں سال میں 1500 رنز بنانے کا اعزاز حاصل کرچکے ہیں۔
ٹیسٹ کپتان شان مسعود نے بھی ایک مرتبہ سال 2022 میں یہ اعزاز حاصل کیا تھا۔
صاحبزادہ فرحان نے رواں سال پاکستان کے ساتھ پشاور ریجن اور اسلام آباد یونائیٹڈ کی ٹی 20 کرکٹ میں نمائندگی کی ہے
