پاکستان میں پیٹرول کی قیمت میں اضافے کا امکان

اسلام آباد : پاکستان میں پیٹرول کی قیمت میں اضافے کا امکان ہے ، تاہم کتنے روپے اضافہ ہوگا، اس حوالے سے عوام کے لیے اہم خبر آگئی۔
تفصیلات کے مطابق حکومت کی جانب سے یکم اکتوبر سے پٹرولیم مصنوعات کی قیمتوں میں اضافے کا امکان ظاہر کیا جا رہا ہے۔
ذرائع نے بتایا کہ انڈسٹری کی ابتدائی ورکنگ تیار کر لی گئی ہے، جس کے تحت یکم اکتوبر سے پٹرولیم مصنوعات مہنگی ہونے کا امکان ہے
ابتدائی ورکنگ کے تحت پٹرول 1 روپے 97 پیسے اور ڈیزل 2 روپے 48 پیسے فی لیٹر مہنگا ہونے کا امکان ہے۔

ذرائع نے مزید بتایا کہ مٹی کا تیل 4 روپے 64 پیسے اور لائٹ ڈیزل 1 روپے 76 پیسے فی لیٹر تک مہنگا ہو سکتا ہے۔
اوگرا کل قیمتوں کی ورکنگ پٹرولیم ڈویژن کو بھجوائے گا، جس کے بعد پٹرولیم ڈویژن اور وزارت خزانہ مشاورت کے بعد حتمی ورکنگ وزیراعظم کو ارسال کریں گے۔
ذرائع کا کہنا ہے کہ وزیراعظم کی منظوری کے بعد وزارت خزانہ نئی قیمتوں کا باضابطہ اعلان کرے گی۔
یاد رہے کہ 15 ستمبر کو بھی پٹرولیم مصنوعات کی قیمتوں میں 3 روپے 15 پیسے فی لیٹر تک اضافہ کیا گیا تھا۔