پاک بھارت میچ، ویمنز کرکٹ ورلڈ کپ کی تاریخ میں نیا ریکارڈ بن گیا

پاکستان اور بھارت کی ویمن ٹیموں کے درمیان 5 اکتوبر کو ہونے والے ون ڈے ورلڈ کپ میچ نے ڈیجیٹل ناظرین کے ریکارڈز توڑ دیے۔
آئی سی سی ویمنز کرکٹ ورلڈ کپ کے 13 ویں ایڈیشن میں ریکارڈ توڑ ناظرین کی تعداد میں اضافہ ہوا ہے، آئی سی سی اور جیو ہاٹ اسپاٹ کے مشترکہ طور پر جاری کردہ اعداد و شمار کے مطابق اس میچ کو مداحوں نے بڑی تعداد میں دیکھا ہے۔
رپورٹ کے مطابق ٹورنامنٹ کے پہلے 13 میچز کو 60 ملین سے زیادہ ناظرین نے دیکھا ہے، جو 2022 کے ایڈیشن کے مقابلے پانچ گنا زیادہ ہے، دیکھنے کا کل وقت بڑھ کر 7 بلین منٹ ہو گیا، جو پچھلے ٹورنامنٹ سے 12 گنا زیادہ ہے۔
اس کے علاوہ 5 اکتوبر کو کولمبو میں ہندوستان اور پاکستان کے درمیان ہونے والے میچ نے ایک نیا ریکارڈ قائم کیا ہے، جو اب تک کا سب سے زیادہ دیکھا جانے والا خواتین کا بین الاقوامی کرکٹ میچ بن گیا۔
آئی سی سی کے مطابق اس میچ کو 2.84 کروڑ افراد نے دیکھا،اس دوران 1.87 ارب منٹ دیکھے گئے، جس سے یہ ویمنز انٹرنیشنل کرکٹ کی تاریخ کا سب سے زیادہ دیکھا جانے والا میچ بن گیا۔
ورلڈ کپ لیگ مرحلے کے پہلے نصف حصے نے ڈیجیٹل اور ٹی وی پلیٹ فارمز پر ریکارڈ توڑ ناظرین حاصل کیے جبکہ پاکستان اور بھارت کا یہ مقابلہ ورلڈ کپ کی تاریخ میں سب سے زیادہ دیکھا جانے والا لیگ میچ بھی بن گیا ہے