ملک بھر کی بجلی بند کرنے کی دھمکی!

واپڈا کمپنیوں کی نجکاری کرنے کی صورت میں واپڈا ہائیڈرو یونین نے ملک بھر میں بجلی بند کرنے کی دھمکی دے دی۔
پاکستان بھر میں صارفین کو بجلی فراہمی کے لیے واپڈا کے زیر انتظام بجلی کی متعدد تقسیم کار کمپنیاں ہیں۔ یہ کمپنیاں حکومت کی نجکاری پالیسی میں شامل ہیں۔ تاہم ہائیڈرو یونین نے ایسا ہونے کی صورت میں ملک بھر میں بجلی بند کرنے کی دھمکی دے دی ہے۔
حیدرآباد میں آل پاکستان واپڈا ہائیڈرو الیکٹرک ورکرز یونین کی جانب سے نجکاری کے خلاف ریلی نکالی گئی۔ ریلی کی قیادت مرکزی چیئرمین عبدالطیف نظامانی نے کی۔ شرکا حکومت کی نجکاری پالیسی کے خلاف نعرے لگا رہے تھے۔
ریلی کے شرکا سے خطاب کرتے ہوئے عبدالطیف نظامانی نے بجلی کمپنیوں کی نجکاری روکنے کا مطالبہ کیا اور متنبہ کیا کہ اگر حیسکو سمیت بجلی کی تقسیم کار کمپنیوں کی کی نجکاری کی گئی تو ملک بھر میں بجلی بند کر دی جائے گی۔
مزدور رہنماؤں نے حکومت سے واپڈا میں پروموشن اپ گریڈ اور نئی بھرتیوں پر پابندی ختم کرنے کا مطالبہ بھی کیا