کراچی والوں کےلیے بڑی خبر، حب ڈیم شدید بارشوں کے باعث بھرگیا

تفصیلات کے مطابق محکمہ ایری گیشن نے الرٹ جاری کیا ہے کہ حب ڈیم شدید بارشوں کے باعث بھرگیا ہے، حب ڈیم میں پانی کی سطح 338 فٹ تک پہنچ گئی ہے، ڈیم میں پانی ذخیرہ کرنے کی گنجائش صرف ایک فٹ باقی رہ گئی ہے۔
محکمہ ایری گیشن نے حب ڈیم کے پوری طرح بھر جانے سے متعلق مزید بتایا کہ ڈیم کے اسپیل وے سے کسی بھی وقت اخراج شروع ہوسکتا ہے۔
حب ندی کے کنارے رہنے والےرہائشیوں کو نقل مکانی کی ہدایت کی گئی ہے، کرش پلانٹ مالکان کو بھی مشنری اور لیبرفوری طور ندی سے نکالنے کی ہدایت کی گئی ہے۔
واپڈا حکام نے بتایا کہ حب ڈیم میں پانی ذخیرہ کرنے کی گنجائش 338 فٹ ہے، حب ڈیم مکمل بھرنے میں مزید ایک فٹ کے قریب جگہ بچی ہے۔
خیال رہے کہ وزارت آبی وسائل واپڈا اور لسبیلہ ایڈمنسٙریشن کی ٹیموں کی زیر نگرانی ڈیم کو محفوظ رکھنے کیلئے ڈیم کے اسپل وے کے ذریعے اضافی پانی کا اخراج شروع کیا جاتا ہے