اسرائیلی سپریم کورٹ میں فلسطینی قیدیوں کو بھوکا رکھنے کا انکشاف ہوا ہے۔

خبر ایجنسی کے مطابق اسرائیلی سپریم کورٹ نے کہا ہے کہ اسرائیلی حکومت قیدیوں کو جان بوجھ کر خوراک سے محروم کر رہی ہے۔ عدالت نے قرار دیا کہ فلسطینی قیدیوں کو زندہ رہنے کیلئے بنیادی خوراک نہیں دی جا رہی۔
اسرائیلی سپریم کورٹ نے حکومت کو قیدیوں کو روزانہ 3 وقت کا کھانا فراہمی کا حکم دے دیا۔
سپریم کورٹ کا فیصلہ 2 اسرائیلی حقوق کی تنظیموں کی درخواست پر سنایا گیا جس میں درخواست گزاروں نے کہا کہ قیدیوں کو بھوک اور غذائی قلت میں مبتلا کیا جا رہا ہے۔
عدالت نے دوٹوک کہا کہ آسائش یا آرام کی بات نہیں بلکہ زندہ رہنے کی بنیادی شرط ہے۔
اسرائیلی فوج نے نام نہاد جنگ کے دوران ہزاروں فلسطینیوں کو گرفتار کیا اور ان فلسطینیوں نے رہائی کے بعد تشدد، بھوک، علاج کی کمی اور بدترین حالات بیان کیے ہیں