اسلام آباد کچہری میں خودکش حملہ

اسلام آباد (11 نومبر 2025): اسلام آباد کچہری میں خودکش حملے کے نتیجے میں 12 افراد شہید جبکہ 20 زخمی ہوگئے۔
ابتدائی معلومات کے مطابق اسلام آباد کچہری میں خودکش حملہ ہوا جس میں 12 شہید اور 20 افراد زخمی ہوئے، دھماکے کی جگہ سے خودکش حملہ آور کا سر اور اعضا ملے ہیں، حملے میں متعدد گاڑیوں اور موٹرسائیکلوں کو نقصان پہنچا۔
یہ بھی پڑھیں: وانا کیڈٹ کالج کے اندر موجود 3 خوارجیوں کے خلاف آپریشن جاری
واضح رہے کہ گزشتہ رات دہشتگردوں نے وانا کیڈٹ کالج پر حملہ کیا جس میں 3 سپاہی شہید ہوئے جبکہ آپریشن تاحال جاری ہے۔
اسپتالوں میں ایمرجنسی
خودکش حملے کے بعد وفاقی اسپتالوں میں ایمرجنسی نافذ کر دی گئی، دھماکے میں شہید 11 افراد کی لاشیں پمز اسپتال منتقل کر دی گئیں۔
ریسکیو اور دیگر ایمبولینسز سے زخمیوں کی پمز منتقلی کا سلسلہ جاری ہے، پمز شعبہ ایمرجنسی میں 24 زخمیوں کو منتقل کیا گیا