کوآرڈینیٹر برائے وزیراعظم اختیار ولی خان نے کہا کہ بشریٰ بی بی جس دن رہا ہوئی تھیں علی امین گنڈاپور کا جانا ٹھہر گیا تھا۔
اے آر وائی نیوز کے پروگرام آف دی ریکارڈ میں گفتگو کرتے ہوئے اختیار ولی نے کہا کہ بشریٰ بی بی بنی گالہ، لاہور نہیں گئیں سیدھا پشاور چلی گئی تھیں، علی امین گنڈاپور نے تمام وزرا کو کنٹریکٹ پر رکھا ہوا تھا۔
اختیارولی نے کہا کہ کمشنر، ڈپٹی کمشنر سمیت تمام پوسٹیں فروخت کی گئی تھیں، خیبر پختونخوا میں کرپشن عروج پر ہے، کوہستان اسکینڈل ثبوت ہے۔
وزیراعظم کے کوآرڈینیٹر نے مزید کہا کہ کےپی میں پی ٹی آئی کے پاس وزارت اعلیٰ کے قد کاٹھ کا ایک ایم پی اے نہیں ہے، خیبر پختونخوا میں پی ٹی آئی کا کوئی ایسا شخص نہیں جو وزارت اعلیٰ چلا سکے۔
انھوں نے کہا کہ خیبر پختونخوا میں گورننس گزشتہ کئی سال سے الٹی گھڑی کی طرح چل رہی ہے، ایک علی امین گنڈاپور چلا گیا دوسرا علی امین گنڈاپور آگیا ہے۔
اختیار ولی خان نے کہا کہ کےپی میں غیرسیاسی خاتون کے احکامات اور موروثی سیاست چل رہی ہے، سہیل آفریدی مخالفین کو سب سے زیادہ گالیاں دینے والے ہیں، سہیل آفریدی وہ ہیں جنھوں نے سب سے سخت تقاریر کی ہیں
