ایشیا کپ میں بھارتی کرکترز کو ٹیم انتظامیہ نے آئی سی سی اکیڈمی میں تربیتی سیشن کے دوران پاکستانی نیٹ بولرز سے فاصلہ برقرار رکھنے کی ہدایت کی ہے۔
آئی سی سی اکیڈمی میں پاکستان، افغانستان، بنگلادیش، سری لنکا اور بھارت کے نیٹ بولرز کو پریکٹس کے دوران ٹیموں کی مدد کے لیے باقاعدگی سے مدعو کیا جاتا ہے۔
گزشتہ ایڈیشنز میں یہ نیٹ بولرز اسٹار کھلاڑیوں کے ساتھ گھل مل جاتے تھے بہت سے لوگ ویرات کوہلی جیسے اسٹار کرکٹرز کے ساتھ تصاویر بھی بنواتے تھے۔
تاہم اس مرتبہ بھارتی ٹیم مینجمنٹ نے اس طرح کی بات چیت کو مکمل طور پر روک دیا ہے۔
بھارتی کھلاڑیوں کو خاص طور پر کہا گیا ہے کہ وہ پاکستانی نیٹ بولرز کے ساتھ غیر معمولی بات چیت یا تصاویر نہ بنوائیں۔
کرکٹ تجزیہ کاروں کا خیال ہے کہ یہ اقدام بھارت میں بڑھتے ہوئے سیاسی دباؤ اور بڑھتے ہوئے “جنگی جنون” کی عکاسی کرتا ہے، جو اب میدان میں کھلاڑیوں کے طرز عمل کو متاثر کر رہا ہے۔
تجزیہ کاروں کا کہنا ہے کہ اس اقدام سے کھلاڑیوں کی پریکٹس اور آزادانہ بات چیت کرنے کی صلاحیت محدود ہو گئی ہے۔
