عالمی بینک نے پاکستان میں غربت سے متعلق رپورٹ جاری کردی۔
عالمی بینک کی کنٹری ڈائریکٹر پاکستان بولورما امگابازار نے پریس بریفنگ میں کہا کہ گزشتہ چار سال میں پاکستان میں غربت کی شرح میں 7 فیصد اضافہ ہوا ہے۔
پاکستان میں غربت کی شرح 25.3 فیصد پر پہنچ گئی ہے، حالیہ سالوں میں غربت میں اضافہ ریکارڈ کیا گیا ہے۔
سال 2021-2022 میں پاکستان میں غربت کی شرح 18.3 فیصد تھی، سال 2022-23 میں غربت کی شرح بڑھ کر 24.8 فیصد ہوگئی جبکہ 2023-24 میں غربت کی شرح 25.3 فیصد رہی۔
عالمی بینک کا کہنا ہے کہ پاکستان میں غربت کی شرح میں 2015 تک سالانہ تین فیصد کمی ہوئی، پاکستان میں 2015 سے 2018 تک غربت کی شرح میں سالانہ ایک فیصد کمی ہوئی۔
رپورٹ میں کہا گیا ہے کہ 2020 کے بعد غربت کی شرح بڑھی ہے، زرعی انکم کے علاوہ دیگر ذرائع آمدن کسے غربت کی شرح کم ہورہی ہے، سال 2011 سے 2021 میں لوگوں کی آمدن میں صرف 2 سے 3 فیصد اضافہ ہوا ہے۔
