افواہوں پر اداکارہ مہر بانو نے خاموشی توڑدی

پاکستانی شوبز انڈسٹری سے تعلق رکھنے والی اداکارہ مہر بانو نے اپنی شادی سے متعلق گردش کرنے والی افواہوں پر خاموشی توڑ دی ہے۔ مہر بانو کی علیحدگی کی چہ مگوئیاں اس وقت شروع ہوئیں جب انہوں نے اپنے شوہر کے ساتھ تمام تصاویر سوشل میڈیا سے ہٹا دیں، تاہم اداکارہ نے اس معاملے پر خاموشی اختیار کر رکھی تھی۔ حال ہی میں مہر بانو نے سوشل میڈیا پر سوال و جواب کا سیشن کیا، جہاں ایک مداح نے ان سے شادی شدہ ہونے سے متعلق سوال کیا۔ اداکارہ نے اس سوال کا جواب نفی میں دے کر اپنی شادی کے خاتمے کی تصدیق کر دی۔ واضح رہے کہ مہر بانو کی شادی شاہ رخ کاظم علی سے سال 2022 میں ہوئی تھی، تاہم یہ رشتہ تین سال سے زیادہ عرصہ برقرار نہ رہ سکا۔