افغانستان اور پاکستان کے مثبت تعلقات دونوں ملکوں کے عوام کے مفاد میں ہیں: افغان وزیر خارجہ

تفصیلات کے مطابق افغان وزیر خارجہ مولوی امیر خان متقی نے کہا ہے کہ افغانستان اور پاکستان کے درمیان مثبت تعلقات دونوں ملکوں کے عوام کے لیے مفید ہیں۔
افغانستان مولوی امیر خان متقی اور جماعت اسلامی کے پروفیسر ابراہیم
امیر متقی جماعت اسلامی پاکستان کے ایک وفد سے ملاقات کر رہے تھے جس کی قیادت پروفیسر محمد ابراہیم نے کی۔ وزارتِ خارجہ کے بیان کے مطابق امیر خان متقی نے وفود کے باہمی دوروں کو دو طرفہ تعلقات کی مضبوطی کے لیے اہم قرار دیا اور پاکستان کی جانب سے افغان مہاجرین کی کئی دہائیوں تک میزبانی پر شکریہ ادا کیا۔
افغانستان کا غیر ملکی فوجی اڈے کیخلاف پاکستان، روس، چین اور ایران کے مؤقف کا خیر مقدم
انھوں نے جماعت اسلامی کی سماجی خدمات کو قابلِ ستائش قرار دیا اور پاکستان کی مذہبی جماعتوں کے کردار کو بھی اہم قرار دیا۔ پروفیسر محمد ابراہیم اور وفد کے دیگر اراکین نے افغانستان میں حالیہ پیش رفتوں کو سراہتے ہوئے کہا کہ دونوں ممالک کے عوام کے درمیان قربت میں اضافہ ضروری ہے۔
انھوں نے اس امید کا اظہار کیا کہ باہمی تعاون کے ذریعے ڈیورنڈ لائن کے دونوں جانب عوام کی زندگیوں میں بہتری لائی جا سکتی ہے