افغان آل راؤنڈر محمد نبی نے بڑا ریکارڈ اپنے نام کر لیا

متحدہ عرب امارات میں کھیلے جا رہے ایشیا کپ میں گزشتہ روز سری لنکا اور افغانستان کے درمیان اہم میچ کھیلا گیا۔ سری لنکا نے اس میچ میں فتح حاصل کر کے افغانستان کو ٹورنامنٹ سے باہر کر دیا۔
اس شکست کے بعد افغان ٹیم خالی ہاتھ وطن واپس ضرور لوٹ گئی۔ مگر ٹیم کے سینئر کھلاڑی آل راؤنڈر ایک نیا ریکارڈ اپنے ساتھ لے کر وطن گئے ہیں۔
گزشتہ روز کھیلے گئے میچ میں محمد نبی نے آخری اوور میں 5 چھکے لگا کر ویلالاگے کے اوور میں 32 رنز بٹورے اور ٹیم کے لیے اچھا ٹوٹل کیا۔ انہوں نے 6 چھکوں اور تین چوکوں سے سجی 60 رنز کی برق رفتار اننگ صرف 22 گیندوں پر کھیلی۔
اس کے ساتھ ہی محمد نبی نے اپنے ملک کے لیے سب سے زیادہ انٹرنیشنل رنز بنانے کا ریکارڈ اپنے نام کر لیا۔
آل راؤنڈر نے کو میچ سے قبل انٹرنیشنل کرکٹ میں 6 ہزار رنز مکمل کرنے کے لیے صرف 3 رنز درکار تھے اور انہوں نے 15 ویں اوور کی پہلی گیند پر یہ سنگ میل عبور کر لیا۔
اس طرح وہ انٹرنیشنل کرکٹ میں 6 ہزار رنز بنانے والے پہلے افغان بیٹر بن گئے اور ان کے رنز کی مجموعی تعداد 6057 ہو گئی ہے۔ دوسرے نمبر پر رحمت شاہ نے 4948 اور تیسرے نمبر پر محمد شہزاد نے 4844 رنز بنا رکھے ہیں