پاکستان اپنی خودمختاری اور سلامتی پر کوئی سمجھوتہ نہیں کرے گا : نائب وزیراعظم

نائب وزیراعظم اسحاق ڈار نے کہا ہے کہ پاکستان نے گزشتہ سال ہی بھارتی جارحیت کے خلاف اپنے مؤثر اور فیصلہ کن ردعمل سے دنیا کو واضح پیغام دے دیا تھا۔ انہوں نے پاک فوج کے شہریوں کے تحفظ اور ملکی دفاع کے عزم پر مکمل اعتماد کا اظہار کرتے ہوئے کہا کہ بھارت کی جانب سے کسی بھی قسم کی مہم جوئی کا بھرپور طاقت سے جواب دیا جائے گا۔ اسحاق ڈار کا کہنا تھا کہ پاکستان اپنی خودمختاری اور سلامتی پر کوئی سمجھوتہ نہیں کرے گا۔