پاکستان اسٹیل ملز کا جنرل مینیجر اسٹورز سے لوہا چوری کے الزام میں گرفتار

پاکستان اسٹیل ملز کا جنرل مینیجر کو اسٹورز سے لوہا چوری کے الزام میں گرفتار کرلیا گیا ہے۔
تفصیلات کے مطابق بن قاسم پولیس پاکستان اسٹیلز سے قیمتی سامان کی چوری کیخلاف کارروائی کرتے ہوئے ادارے کے افسر کو چوری کے سامان سمیت گرفتار کر لیا ہے۔
بن قاسم پولیس کی جانب سے جاری بیان میں بتایا گیا ہے کہ پاکستان اسٹیلز کے جنرل مینیجر اسٹورز سید سعادت علی کو خفیہ اطلاع پر کارروائی کرتے ہوئے گرفتار کیا گیا ہے، ملزم کے قبضے سے چالیس کلو تانبا اور چوری میں استعمال ہونے والی گاڑی برآمد کر لی گئی ہے۔
بن قاسم پولیس کے مطابق ملزم مذکورہ گاڑی کے ذریعے قیمتی سامان خفیہ طور پر باہر منتقل کر کے مختلف گوداموں میں فروخت کرتا تھا۔ پولیس نے ملزم کے زیر استعمال گاڑی کو ضابطے کے تحت تحویل میں لے کر مقدمہ درج کرلیا ہے جبکہ مزید تفتیش جاری ہے۔
پولیس حکام کا کہنا ہے کہ گرفتار ملزم سعادت علی کی گاڑی سے چوری شدہ 40 کلو تانبہ برآمد ہوا، برآمد شدہ تانبہ لاکھوں روپے مالیت کا ہے، ملزم کے دیگر ساتھیوں کی تلاش جاری ہے، ملزم اسٹیل مل کے اےسی ٹی سی ڈپارٹمنٹ میں بطور منیجر کام کر رہا تھا، ملزم تانبہ اور دیگر اسکریپ مختلف گوداموں میں فروخت کرتا تھا جبکہ ملزم سعادت علی چار محکموں کا جی ایم تھا