لاہور: دورانِ سفر خاتون مسافر سے تلخ کلامی کے بعد اس کا موبائل نمبر سوشل میڈیا پر شیئر کرنے والے رکشہ ڈرائیور کو پولیس نے گرفتار کر لیا۔
پولیس ترجمان کے مطابق خاتون اور رکشہ ڈرائیور کے درمیان دورانِ سفر کسی بات پر بحث ہوئی، جس کے بعد مبینہ طور پر رنجش کی بنا پر ملزم نے خاتون کا موبائل نمبر سوشل میڈیا پر اپ لوڈ کر دیا۔
ترجمان نے بتایا کہ خاتون نے واقعے کے خلاف ڈی آئی جی آپریشنز کی کھلی کچہری میں شکایت درج کرائی، جس پر پولیس نے کارروائی کرتے ہوئے رکشہ ڈرائیور کو گرفتار کر لیا۔
پولیس کے مطابق واقعے کی مزید تحقیقات جاری ہیں۔
