شہر قائد میں بونداباندی اور ہلکی بارش متوقع

کراچی(18 ستمبر 2025): محکمہ موسمیات نے خوش خبری سنائی ہے کہ کراچی میں آج صبح اور رات کے اوقات میں بونداباندی اور ہلکی بارش متوقع ہے۔
محکمہ موسمیات کے مطابق کراچی میں چلچلاتی دھوپ کے ساتھ شہر کا مطلع ابر آلود اور موسم مرطوب رہے گا، مغرب سے 11کلو میٹر فی گھنٹہ کی رفتار سے ہوائیں چل رہی ہیں۔
محکمہ موسمیات کا کہنا ہے کہ کراچی میں صبح اور رات کے اوقات میں بوندا باندی اور ہلکی بارش متوقع ہے، شہر کا کم سےکم درجہ حرارت 26 ڈگری سینٹی گریڈ ریکارڈ ہوا۔
محکمہ موسمیات کا مزید کہنا تھا کہ شہر کا درجہ حرارت 33 ڈگری سینٹی گریڈ رہنے کا امکان ہے جبکہ ہوا میں نمی کا تناسب اس وقت 85 فیصد ریکارڈ کیا گیا ہے۔