پاکستان کی سینئر اور ورسٹائل اداکارہ بشریٰ انصاری نے سعودی عرب میں عمرہ اور حج زائرین کے ساتھ رویے پر تحفظات کا اظہار کیا ہے۔ اپنے حالیہ وی لاگ میں انہوں نے کہا کہ اللہ نے سعودی عرب کو مقدس مقامات کی صورت میں بڑی نعمت عطا کی ہے، مگر وہاں کے لوگ اس کی قدر ویسے نہیں کرتے جیسے دیگر مسلمان کرتے ہیں۔
انہوں نے سعودی حکام پر الزام عائد کیا کہ بعض اوقات عمرہ اور حج زائرین کے ساتھ نامناسب رویہ اختیار کیا جاتا ہے۔ ان کے مطابق بعض سیکیورٹی اہلکار زائرین سے سختی سے پیش آتے ہیں، یہاں تک کہ دھکے دینے اور بدسلوکی کے واقعات بھی دیکھنے میں آئے ہیں۔
بشریٰ انصاری نے کہا کہ مقدس مقامات پر تعینات عملے کو نرم دلی، صبر اور احترام کا مظاہرہ کرنا چاہیے تاکہ زائرین کو بہتر تجربہ حاصل ہو سکے۔
