خیبرپختونخوا کے محکمۂ ہائیر ایجوکیشن نے ونٹر زون میں واقع کالجز اور جامعات کو 19 سے 25 اگست تک بند رکھنے کا اعلان کیا ہے۔ اعلامیے کے مطابق یہ فیصلہ طلباء، اساتذہ اور عملے کی حفاظت کے پیش نظر کیا گیا ہے۔
محکمے نے تعلیمی اداروں کو ہدایت کی ہے کہ وہ اس دوران آن لائن تدریسی نظام کے ذریعے تعلیم کا سلسلہ جاری رکھیں۔
ادھر ضلع مالاکنڈ میں بھی تمام سرکاری اور نجی تعلیمی ادارے ایک ہفتے کے لیے بند کر دیے گئے ہیں، جب کہ سوات میں سیلاب سے متاثرہ علاقوں کے اسکولز 25 اگست تک بند رہیں گے۔ یہ فیصلے بارشوں، ممکنہ سیلاب اور لینڈ سلائیڈنگ کے خدشات کے باعث کیے گئے ہیں۔
وزیر ہائیر ایجوکیشن مینا خان آفریدی کا کہنا ہے کہ متاثرہ علاقوں میں اعلیٰ تعلیم کی مد میں ریلیف دینے کے لیے منصوبہ بندی کی ہے، سیلاب کی وجہ سےطلباء کو آسانی اور سہولیات کی کمی محسوس نہیں ہونے دیں گے۔
دوسری جانب ضلع مالاکنڈ میں سرکاری اور نجی تعلیمی ادارے آج سے ایک ہفتے کے لیے بند کر دیے گئے ہیں۔ فیصلہ بارشوں، سیلاب اور لینڈ سلائیڈنگ کے خدشات کے پیش نظر کیا گیا ہے۔
سوات میں سیلاب متاثرہ علاقوں کے سرکاری ونجی اسکول 25 اگست تک بند رہے گے۔
