معروف صنعت کار عارف حبیب نے بجٹ میں کیے گئے اقدامات کو سرمایہ کاری کے فروغ کے لیے ناکافی قرار دیتے ہوئے کہا ہے کہ موجودہ ٹیکس شرح اب بھی زیادہ ہے۔
انہوں نے کہا کہ سپر ٹیکس کے خاتمے کا مطالبہ کیا گیا تھا، تاہم اس میں صرف 2 فیصد کمی کی گئی، ایسے حالات میں نئی سرمایہ کاری کی توقع مشکل ہے۔ عارف حبیب کے مطابق جب تک پیداواری لاگت اور توانائی کی قیمتوں میں کمی نہیں کی جاتی، ایکسپورٹ پر ٹیکس میں رعایت سے خاطر خواہ فائدہ نہیں ہوگا۔ انہوں نے مزید کہا کہ بلند توانائی لاگت کے باعث نہ صرف سرمایہ کاری متاثر ہو رہی ہے بلکہ روزگار کے نئے مواقع بھی پیدا نہیں ہو پا رہے۔
