کراچی: ملک میں جیٹ فیول کی قیمت میں 40 روپے فی لیٹر اضافہ کر دیا گیا ہے، جس کے بعد نئی قیمت 517 روپے 17 پیسے فی لیٹر ہو گئی ہے۔ ایوی ایشن ذرائع کے مطابق کمرشل پروازوں کے لیے استعمال ہونے والے ایندھن کی قیمت میں ایک ماہ کے دوران یہ چھٹا اضافہ ہے۔
ذرائع کا کہنا ہے کہ یکم مارچ سے اب تک جیٹ فیول کی قیمت میں مجموعی طور پر 329 روپے 17 پیسے کا نمایاں اضافہ ہو چکا ہے، جس کے باعث ایوی ایشن سیکٹر پر دباؤ بڑھ گیا ہے۔
ماہرین کے مطابق جیٹ فیول مہنگا ہونے کے باعث ایئرلائنز کی جانب سے ڈومیسٹک اور انٹرنیشنل پروازوں کے کرایوں میں اضافے کا امکان ہے، جس کا براہِ راست اثر مسافروں پر پڑے گا۔
