ایران کا امریکی صدر ٹرمپ کو سخت اور طنزیہ پیغام

ایران کی جانب سے امریکی صدر ڈونلڈ ٹرمپ کے لیے سخت اور طنزیہ پیغام جاری کیا گیا ہے۔ ایرانی فوجی اہلکار کا کہنا ہے کہ ٹرمپ کو سوشل میڈیا اور ٹیلیفون سے ہٹ کر عالمی منڈیوں، اسٹاک ایکسچینج اور تیل کی قیمتوں پر توجہ دینی چاہیے، کیونکہ ایران جلد بڑا سرپرائز دے سکتا ہے۔ پاسداران انقلاب کی ختم الانبیاء بریگیڈ کے ترجمان نے بھی ٹرمپ کے ایک جملے کو دہراتے ہوئے طنزیہ انداز میں کہا، “ٹرمپ یو آر فائرڈ، تھینک یو فار اٹینشن ٹو ڈِس میٹر”۔ یہ بیان خطے میں کشیدگی اور بڑھتی ہوئی لفظی جنگ کی نئی مثال قرار دیا جا رہا ہے۔