انمول پنکی کو عدالت لانے سے انکار،جیل سے آن لائن پیشی کی درخواست دائر

منشیات فروشی اور غیر قانونی اسلحہ رکھنے کے مقدمات میں گرفتار ملزمہ انمول عرف پنکی کی عدالت میں پیشی سے متعلق اہم پیش رفت سامنے آئی ہے۔ جوڈیشل مجسٹریٹ جنوبی کی عدالت میں جیل حکام نے سیکیورٹی خدشات کے باعث ملزمہ کو عدالت میں پیش کرنے سے معذرت کرتے ہوئے آئندہ سماعتوں میں ویڈیو لنک کے ذریعے پیشی کی اجازت طلب کر لی۔ حکام کے مطابق انمول عرف پنکی کو دو مختلف مقدمات میں عدالت کے روبرو پیش کیا جانا تھا، تاہم سیکیورٹی وجوہات کی بنا پر اسے جیل سے منتقل نہیں کیا جا سکا۔ جیل انتظامیہ نے مؤقف اختیار کیا کہ ویڈیو لنک کے تمام انتظامات پہلے سے موجود ہیں، لہٰذا عدالت آن لائن پیشی کی اجازت دے۔