ڈنمارک نے غزہ اور مقبوضہ فلسطینی علاقوں میں انسانی بحران سے متاثرہ فلسطینیوں کی مدد کے لیے مجموعی طور پر 8.9 ملین ڈالر کی امداد فراہم کرنے کا اعلان کردیا ہے۔
ڈنمارک کی وزارت خارجہ کے مطابق غزہ میں سیلاب سے متاثرہ فلسطینیوں کی امداد کے لیے اقوام متحدہ کے ادارے انروا (UNRWA) کو 3 ملین ڈالر فراہم کیے جائیں گے، جبکہ مقبوضہ فلسطینی علاقوں میں انسانی امدادی سرگرمیوں کے لیے اقوام متحدہ کے دفتر برائے رابطہ انسانی امور (OCHA) کو 5.9 ملین ڈالر دیے جائیں گے۔
وزارت خارجہ کا کہنا ہے کہ شدید سرد موسم نے پہلے سے جاری فلسطینی انسانی بحران کی شدت میں مزید اضافہ کردیا ہے، جس کے باعث متاثرہ خاندانوں کو مشکلات کا سامنا ہے۔
ڈنمارک نے اس بات پر زور دیا ہے کہ موسم سرما کے دوران فلسطینی عوام تک خوراک، رہائش اور دیگر ضروری انسانی امداد کی بروقت فراہمی یقینی بنانا انتہائی ضروری ہے۔
