محکمہ اطلاعات و تعلقاتِ عامہ حکومت خیبر پختونخوا کی جانب سے جاری بیان کے مطابق ثمر ہارون بلور نے صحت کارڈ کے خاتمے سے متعلق سوشل میڈیا پر گردش کرنے والی خبروں کو جھوٹا قرار دیا ہے۔
انہوں نے کہا کہ لیفٹیننٹ جنرل ریٹائرڈ نگار جوہر خان سے منسوب صحت کارڈ کے خاتمے کا بیان درست نہیں اور بعض عناصر اس حوالے سے گمراہ کن پروپیگنڈا کر رہے ہیں۔
ثمر ہارون بلور کے مطابق پروفیسر ڈاکٹر نوشیروان برکی کی برطرفی سے متعلق سوشل میڈیا پر گردش کرنے والا نوٹیفکیشن بھی جعلی ہے۔ انہوں نے واضح کیا کہ کسی قسم کی انتقامی کارروائی نہیں کی جائے گی اور عوامی خدمت و شفاف کارکردگی حکومت کی اولین ترجیح ہے۔
انہوں نے مزید کہا کہ عوامی فلاح کے منصوبے جاری رہیں گے، جبکہ غفلت یا بے ضابطگی سامنے آنے پر بلاامتیاز احتساب کیا جائے گا۔
