آئی ایم ایف کی منیجنگ ڈائریکٹر کرسٹالینا جارجیوا نے خبردار کیا ہے کہ مصنوعی ذہانت (اے آئی) کے بڑھتے ہوئے استعمال سے نوجوانوں کے روزگار کے مواقع متاثر ہونے کا خدشہ ہے۔
کرسٹالینا جارجیوا کے مطابق مصنوعی ذہانت کے اثرات کی پہلی لہر سامنے آنا شروع ہوگئی ہے، جبکہ اے آئی میں سرمایہ کاری عالمی اقتصادی ترقی کی شرح 3 فیصد پر برقرار رکھنے میں اہم کردار ادا کر رہی ہے۔
آئی ایم ایف کی سربراہ کا کہنا ہے کہ مصنوعی ذہانت کے باعث عالمی معیشت میں طلب اور سرمایہ کاری کے رجحانات تبدیل ہورہے ہیں، جس کے اثرات روزگار کے مواقع اور حکومتی محصولات پر بھی مرتب ہوسکتے ہیں۔
انہوں نے خبردار کیا کہ اے آئی کے بڑھتے ہوئے استعمال سے حکومتوں کے لیے ٹیکس جمع کرنے کے موجودہ طریقہ کار پر بھی نئے سوالات اٹھ سکتے ہیں۔
