بشکیک: روسی صدر ولادیمیر پیوٹن نے کہا ہے کہ روس ایران کی جانب سے اپنے مفادات اور آزادی کے دفاع کی جدوجہد کو سمجھتا ہے اور ایرانی عوام کے ساتھ مکمل یکجہتی کا اظہار کرتا ہے۔ ان کا کہنا تھا کہ افسوس ہے کہ پہلے قائم ہونے والا امن دیرپا ثابت نہیں ہوسکا۔
ایرانی صدر مسعود پزشکیان سے ملاقات میں پیوٹن نے کہا کہ موجودہ فوجی اور سیاسی صورتحال کے باوجود روس اور ایران اپنے اقتصادی اور تجارتی تعلقات برقرار رکھیں گے۔
مسعود پزشکیان نے ایران سے متعلق روس کے مؤقف پر پیوٹن کا شکریہ ادا کرتے ہوئے کہا کہ روس اور ایران اسٹریٹیجک شراکت دار ہیں۔ ان کے مطابق دونوں ممالک امریکا کے یکطرفہ اقدامات کا مقابلہ کرنے کی کوشش کر رہے ہیں۔ پزشکیان نے کہا کہ روس کی ایران کیلئے حمایت کے باعث ایران بھی روس کے ساتھ کھڑا ہے۔
