پاکستان شوبز انڈسٹری کے سینئر اداکار سید محسن گیلانی نے دعویٰ کیا ہے کہ ان کے ساتھ گزشتہ 10 سے 12 سال سے ایک جن موجود ہے، جس کا نام وہ ’نجیب‘ بتاتے ہیں۔
ایک حالیہ انٹرویو میں محسن گیلانی نے کہا کہ وہ آج بھی اس جن کی موجودگی محسوس کرتے ہیں۔ ان کے مطابق ان کے آباؤ اجداد اور والد صاحب قرآن کی تعلیم سے وابستہ تھے اور قرآن کا علم رکھنے والوں کے ساتھ جنات نسل در نسل رہتے ہیں۔
اداکار نے کہا کہ جنات سے براہِ راست ملاقات نہیں ہوئی، تاہم وہ اپنی موجودگی کا احساس دلاتے ہیں، کبھی شرارت کرتے اور چیزیں چھپا دیتے ہیں۔ ان کا کہنا تھا کہ جنات بھی اللہ کی مخلوق ہیں اور انسانوں سے ڈر کر رہتے ہیں، جبکہ انہیں میٹھا کھانا پسند ہے۔
