واشنگٹن: امریکی صدر ڈونلڈ ٹرمپ وائٹ ہاؤس میں میڈیا سے گفتگو کے دوران سی این این کی خاتون صحافی کے سوال پر برہم ہوگئے۔ صحافی نے جنوبی کوریا سے متعلق سوال کیا تو ٹرمپ نے پہلے اسے نظرانداز کرنے کی کوشش کی، تاہم مسلسل سوالات پر اسے ’شور مچانے والی جعلی رپورٹر‘ قرار دے دیا۔
ٹرمپ نے صحافی کو ’بے ادب‘ بھی کہا اور اس کے سوالات کا جواب دینے سے گریز کیا۔ امریکی صدر نے سی این این پر یو ایس ایس لنکن پر کھانے کی کمی سے متعلق خبر نشر کرنے کا بھی الزام عائد کیا اور اسے غلط قرار دیتے ہوئے دعویٰ کیا کہ بحری جہاز پر تمام معاملات ٹھیک ہیں۔
