وزیراعظم شہباز شریف نے جولائی میں سمندر پار پاکستانیوں کی جانب سے 3.6 ارب ڈالر کی ترسیلاتِ زر بھیجے جانے پر اطمینان کا اظہار کیا ہے۔ وزیراعظم نے کہا کہ سالانہ بنیاد پر ترسیلاتِ زر میں 13 فیصد اضافہ نہایت خوش آئند ہے، جبکہ ماہانہ بنیاد پر بھی 4.5 فیصد اضافہ ریکارڈ کیا گیا۔
شہباز شریف کا کہنا تھا کہ سمندر پار پاکستانی قومی معاشی دھارے کا قیمتی حصہ ہیں اور ملکی معیشت کے استحکام میں ان کا کردار قابلِ تحسین ہے۔ انہوں نے کہا کہ بیرونِ ملک مقیم پاکستانیوں کی جانب سے مسلسل ترسیلاتِ زر ملکی معیشت کے لیے مثبت پیش رفت ہے۔
