وفاقی وزیر برائے امورِ آزاد کشمیر و گلگت بلتستان انجینئر امیر مقام اور وزیراعظم کے مشیر و سینیٹر رانا ثناء اللہ نے مسلم لیگ (ن) آزاد کشمیر کے مرکزی رہنما اور برطانوی کاروباری شخصیت راجہ وسیم اسلم سے ملاقات کی۔
راجہ وسیم اسلم کی رہائش گاہ پر ہونے والی ملاقات میں آزاد کشمیر کے آئندہ انتخابات اور مجموعی سیاسی صورتحال پر تفصیلی تبادلہ خیال کیا گیا۔ اس موقع پر مسلم لیگ (ن) کے رہنماؤں نے آئندہ انتخابات میں کامیابی اور حکومت بنانے کے عزم کا اظہار کیا۔
ملاقات کے اختتام پر راجہ وسیم اسلم نے اپنے معزز مہمانوں کو غلافِ کعبہ بطورِ تحفہ پیش کیا۔
