اسلام آباد: ترجمان دفتر خارجہ طاہر حسین اندرابی نے کہا ہے کہ “آپریشن غضب للحق” جاری ہے اور نتائج کے حصول تک دہشتگردوں، سہولت کاروں اور ان کے نیٹ ورکس کے خلاف کارروائیاں جاری رہیں گی۔ عید کے موقع پر برادر ممالک کی درخواست پر عارضی وقفہ لیا گیا۔
طاہر حسین اندرابی نے ہفتہ وار میڈیا بریفنگ میں مزید کہا کہ جب تک افغان حکومت دہشتگردوں کی پشت پناہی ختم نہیں کرتی، یہ آپریشن جاری رہے گا۔ انہوں نے کہا کہ مشرق وسطیٰ میں جھوٹے آپریشنز کے امکانات کو خارج از امکان قرار نہیں دیا جا سکتا، تاہم اس معاملے کا حل مذاکرات کی جانب واپسی ہے۔
انہوں نے مزید کہا کہ پاکستان خلیجی تنازع میں کمی اور خطے میں فوری امن کیلئے فعال کردار ادا کر رہا ہے اور مسئلے کے حل کی جانب مسلسل کام کر رہا ہے۔
