امریکی صدر ڈونلڈ ٹرمپ نے ایران کو خبردار کیا ہے کہ اگر تہران نے اپنے جوہری پروگرام پر معاہدہ نہ کیا تو اسے انتہائی تکلیف دہ اور سنگین نتائج کا سامنا کرنا پڑ سکتا ہے۔
میڈیا سے گفتگو میں ٹرمپ نے کہا کہ ایران کے ساتھ ایک جامع معاہدہ ناگزیر ہے، بصورت دیگر حالات بہت خراب ہو سکتے ہیں۔ انہوں نے زور دیا کہ امریکا چاہتا ہے کہ یہ معاملہ سفارتی طریقے سے حل ہو، لیکن معاہدہ نہ ہونے کی صورت میں ایران کے لیے صورتحال نہایت سنگین ہو جائے گی۔
ٹرمپ نے امید ظاہر کی کہ آئندہ ایک ماہ کے دوران ایران کے ساتھ کسی نتیجے پر پہنچا جا سکتا ہے۔
یاد رہے کہ امریکا اور ایران کے درمیان جوہری پروگرام کے معاملے پر کشیدگی بدستور برقرار ہے اور حالیہ دنوں میں اس حوالے سے سفارتی رابطوں میں تیزی آئی ہے۔
