پاکستان میں نیپا وائرس کے ممکنہ پھیلاؤ کے خدشے کے پیش نظر حکومت نے تمام پوائنٹس آف انٹری پر ہائی الرٹ نافذ کردیا ہے
بھارت میں وائرس کے پھیلاؤ کے بعد جاری کیے گئے الرٹ کے تحت ہوائی اڈوں، بندرگاہوں اور زمینی سرحدوں پر سو فیصد اسکریننگ لازمی قرار دی گئی ہے، بارڈر ہیلتھ سروسز کے مطابق تمام مسافروں اور عملے کی مکمل جانچ، 21 دن کی سفری ہسٹری کی تصدیق اور متاثرہ علاقوں سے آنے والوں کی خصوصی نگرانی کی جائے گی جبکہ ہیلتھ کلیئرنس کے بغیر کسی کو ملک میں داخلے کی اجازت نہیں ہوگی۔
