اسلام آباد — وفاقی وزیر اطلاعات عطا تارڑ نے عالمی میڈیا پر زور دیا ہے کہ وہ سڈنی حملے میں پاکستان کو ملوث کرنے پر معافی مانگے۔
عطا تارڑ نے کہا کہ کہا آسٹریلیا میں دہشت گرد حملے کے تمام ثبوت سامنے آچکے۔ بغیر تحقیق اور ثبوت کے پاکستان پر الزام تراشی کی گئی۔ بھارتی اور اسرائیلی میڈیا کے ساتھ الجزیرہ کے شامل ہونے کا افسوس ہے۔ عالمی میڈیا سے کہا ہے کہ اسے معافی مانگنی چاہیے۔
وفاقی وزیر اطلاعات نے کہا کہ سوشل میڈیا کے حوالے سے ریگولیٹری فریم ورک بن چکا ہے، پاکستان مخالف مہم میں ملوث یوٹیوبرز کے خلاف مؤثر ایکشن ہوگا اور جلد ہوگا
وفاقی وزیر اطلاعات نے مزید کہا کہ بھارت دنیا میں دہشت گردی کا سب سے بڑا پروموٹر ہے، جبکہ پاکستان خود دہشت گردی کا شکار ملک ہے۔ انہوں نے کہا کہ بلوچستان اور خیبر پختونخوا میں ہونے والی دہشت گردی بھارتی اسپانسرڈ ہے، اور دہشت گردی کے اسپانسرڈ ملک کی جانب سے دہشت گردی کے شکار ملک پر الزام تراشی افسوسناک ہے۔
