بھتہ خوری میں ملوث جمیل چھانگا اور صمد کاٹھیاواڑی گروپ کے سات ملزمان کو سندھ رینجرز نے گرفتار کر لیا۔
ترجمان رینجرز کے مطابق سندھ رینجرز اور ایس آئی یو نے ضلع سینٹرل، ضلع سٹی میں کارروائیاں کرتے ہوئے بھتہ خوری میں ملوث جمیل چھانگا، صمد کاٹھیاواڑی گروپ کے 7 ملزمان کو گرفتار کرلیے گئے۔
ترجمان رینجرز کے مطابق ملزمان کے قبضے سے اسلحہ اور ایمونیشن بھی برآمد کر لیا گیا، ملزمان مختلف فیکٹری مالکان، دکانداروں، ریسٹورنٹس کو بھتہ کی پرچی دینے میں ملوث ہیں، ملزمان بھتہ نہ دینے پر فائرنگ کرنے اور خوف وہراس پھیلانے میں ملوث ہیں۔
ترجمان رینجرز کا کہنا ہے کہ ملزمان نے اکتوبر میں ناظم آباد میں ریسٹورنٹ پر بھتہ نہ دینے پر فائرنگ کا انکشاف کیا
بھتہ کی رقم بیرون ملک مقیم سرغنہ جمیل چھانگا، صمد کاٹھیاواڑی اور اسامہ جمیل کو بھجوائی جاتی تھی۔ ملزمان عادی مجرم ہیں اور ان کے خلاف کراچی کے مختلف تھانوں میں متعدد ایف آئی آرز درج ہیں۔
