یوٹیوب اسٹار مسٹر بَیسٹ (جیمز ڈونلڈسن) نے سعودی عرب میں اپنا پہلا تھیم پارک ’بیسٹ لینڈ‘ افتتاح کر دیا.
رپورٹ کے مطابق تھیم پارک ان کی مشہور ویڈیوز اور چیلنجز سے متاثر ہو کر تیار کیا گیا ہے، افتتاحی موقع پر مسٹر بیسٹ نے اسے اپنی زندگی کے بہترین دنوں میں سے ایک قرار دیا۔مسٹر بیسٹ نے کہا کہ دنیا بھر میں مداح اکثر یہی خواہش کرتے ہیں کہ وہ کسی ویڈیو کا حصہ بنیں، اور یہ تھیم پارک اسی تجربے کو حقیقت میں بدلنے کے لیے بنایا گیا ہے تاکہ لوگ خود آ کر ویڈیوز جیسا ماحول محسوس کر سکیں۔نیا تھیم پارک نیون بلیو لائٹس سے آراستہ ہے اور اس میں نہ صرف جدید رولر کوسٹرز شامل ہیں بلکہ امریکن گلیڈی ایٹر طرز کے ایکشن چیلنجز بھی موجود ہیں۔ ایک مشہور گیم میں کھلاڑی روشنی جلتے ہی بٹن دباتے ہیں اور ناکامی کی صورت میں وہ نیچے نرم تکیوں پر گر پڑتے ہیں۔
رپورٹ کے مطابق سعودی عرب میں یہ نیا پروجیکٹ ولی عہد محمد بن سلمان کے ویژن 2030 کا حصہ ہے، جس کے تحت ملک میں تفریح، سیاحت اور ثقافتی سرگرمیوں کو تیزی سے فروغ دیا جا رہا ہے تاکہ معیشت کا انحصار تیل سے آگے بڑھایا جا سکے۔
